हिंगोली : प्रेम प्रकरणातून तरुणीला विवाह करण्यासाठी पळून घेऊन जाणाऱ्या तरुणाची मुलीच्या नातेवाईकांनी विष पाजून (Crime News) हत्या केल्याची घटना उघडकीस आली आहे. न्यायालयाच्या आदेशानंतर (Hingoli) चार महिन्‍यानंतर आठ जणांविरोधात खुनाचा गुन्हा दाखल झाला आहे. (Breaking Marathi News)

हिंगोलीच्या रेल्वे स्टेशन परिसरात चार महिन्यांपूर्वी घडलेल्या या प्रकरणात पोलिसांनी (Police) तक्रार दाखल करून घेण्यास नकार दिला होता. मात्र मृत मुलाच्या वडिलांनी त्यांचा मुलगा मिलिंद सुर्वे यांची हत्या झाल्याचा आरोप करत खुनाचा गुन्हा दाखल करण्याची मागणी केली होती. त्यानंतर न्यायालयाने या प्रकरणात मुलीचे नातेवाईक असलेल्या आठ जणांविरुद्ध खुनाचा पुन्हा दाखल करण्याचे आदेश दिले.

अटकेची कारवाई सुरू

न्‍यायालयाच्‍या (Court) आदेशानंतर हिंगोलीच्या शहर पोलीस स्थानकात वाशिम जिल्ह्यातील मालेगावच्या खंडाळा गावातील मुलीचे नातेवाईक असलेल्या आठ आरोपी विरोधात खुनाचा गुन्हा दाखल केला आहे. या प्रकरणात आता पोलिसांनी खुणाच्या गुन्ह्यातील आरोपींना अटक करण्याची कार्यवाही सुरू केली आहे.