हिंगोली - केंद्रीय रस्ते वाहतूक मंत्रालयाच्या वतीने देशभर राष्ट्रीय महामार्ग निर्मिती करण्यात आली मात्र लहान शहरातील व गावखेड्यातील नागरीकांनकडून या महामार्गावरून प्रवास करताना नियमांची पायमल्ली होत असल्याने भीषण अपघातांच्या घटना घडत आहेत.

हे देखील पाहा -

हिंगोली जिल्ह्यात मागील १६ दिवसात १२ जणांनी वेगवेगळ्या अपघातात आपले प्राण गमावले आहेत तर अनेकांना कायमचे अपंगत्व आले आहे. या सर्व घटना हिंगोली- नांदेड, हिंगोली-वाशीम, हिंगोली-परभणी आणि हिंगोली रिसोड या राष्ट्रीय महामार्गावर घडल्या आहेत.

दरम्यान अपघातांचे हे भीषण वास्तव पुढे आले असताना, नागरिकांकडून नियमांचं पालन करून घेण्याची जबाबदारी असलेले वाहतूक विभागाचे पोलीस व उपप्रादेशिक परिवहन विभागाचे अधिकारी कोणतीही कार्यवाही करण्यासाठी पुढे आल्याचे दिसत नसल्याने या सर्व घटना रोखणार कोण? असा सवाल उपस्थित झाला आहे.

Edited By - Shivani Tichkule