हिंगोली : प्रेम प्रकरणातून तरुणीला त्रास दिला जात असल्याचे अनेक प्रकार समोर आले आहेत. मात्र हिंगोलीच्या औंढा तालुक्यातील गोळेगावमध्ये अजब प्रकार समोर आल्याचे पाहण्यास मिळत आहे. प्रेम प्रकरणातून तरुणीने थेट घर गाठत घरचाच ताबा घेतला. या प्रकरणी पोलिसात तक्रार देखील दाखल करण्यात आली आहे. 

हिंगोलीच्या (hingoli) औंढा तालुक्यातील गोळेगाव या गावात हा प्रकार समोर आला आहे. प्रेम प्रकरणातून एका तरुणीने प्रियकर तरुणाचे घर गाठले. सरळ घरात घुसून या तरुणीने घराचा ताबा घेतला आहे. इतकेच नाही तर मुलाच्या आई- वडिलांना तुमच्या मुलावर माझं प्रेम आहे. त्यामुळे तुमच्या घरातून मी बाहेर जाणारच नाही; असे म्हणत तब्बल ४८ तास ही तरुणी घरात ठाण मांडून बसली होती. या प्रकारामुळे तरुणाच्या कुटुंबीयांच चांगलीच पंचायत झाली आहे.  

तरुणी विरोधात गुन्हा दाखल 

दरम्यान सदर तरुणी घरातून जात नसल्याच्या प्रकारानंतर तरुणाचे वडील प्रकाश थिटे यांनी औंढा पोलीस (Police) स्थानकात जात घराचा ताबा घेणाऱ्या तरुणीच्या विरोधात तक्रार दाखल केली आहे. या तक्रारीवरून पोलिसांनी गुन्हा दाखल केला आहे.