हिंगोली : हिंगोलीत बसचा मोठा अपघात टळला आहे. ६५ विद्यार्थिनींना घेऊन जाणाऱ्या धावत्या बसचे ब्रेक फेल झाले. यामुळे बस रस्त्यावरून कोठेही जाऊन मोठा अपघात होण्याची शक्यता होती. मात्र बस चालकाच्या सतर्कतेने हा अपघात टाळला असून एसटी बस थेट घराला जाऊन धडकली, दरम्यान बसमधील सर्व विद्यार्थिनी सुखरूप आहेत. 

हिंगोलीत (Hingoli) मानव विकास अंतर्गत चालणाऱ्या महामंडळाच्या बसचे ब्रेक फेल झाल्याने अपघात घडला आहे. हिंगोलीच्या सेनगाव तालुक्यातील वटकळी गावातून प्रवास करताना ही घटना घडली आहे. मात्र बस चालकाच्या सतर्कतेमुळे बसमधून प्रवास करणाऱ्या ६५ विद्यार्थिनींचे प्राण वाचले आहे. मात्र (Bus Accident) अपघातानंतर बसमधील सर्व विद्यर्थिनी प्रचंड घाबरल्या होत्या.  

चालकाने बस चालवत असताना बसचे ब्रेक फेल झाल्याचे लक्षात येताच एसटीच्या चालकाने प्रसंगावधान राखत बस नियंत्रणात आणली. अपघाता दरम्यान या बस एका घराला धडक दिली. यामध्ये घराचे मोठे नुकसान झाले. मात्र बस मधील विद्यार्थ्यांना कोणतीही इजा झाली नसल्याची माहिती स्थानिक नागरिकांनी दिली आहे. तसेच ज्या घरातला धडक दिली त्याठिकाणी देखील कोणीच नसल्याने मोठी दुर्घटना टळली आहे.