हिंगोली : हिंगोली जिल्ह्यातील वरिष्ठ पोलीस कर्मचाऱ्यांचे अपघाती (Accident) निधन झाले आहे. सुरेश बांगर असे निधन झालेल्या या कर्मचाऱ्यांचे नाव असून (Hingoli) हिंगोली कळमनुरी राष्ट्रीय महामार्गावर ही घटना घडली आहे. (Breaking Marathi News)

हिंगोली जिल्‍ह्यातील वरिष्‍ठ पोलिस कर्मचारी असलेले सुरेश बांगर हे नेहमीप्रमाणे सेवेत हजर होते. दुपारी त्‍यांची ड्युटी संपल्‍याने त्‍यांनी वरिष्‍ठांची भेट घेवून घरी जाण्यासाठी निघाले होते. पोलीस कर्मचारी बांगर हे कर्तव्य बजावून जात असताना हिंगोली– कळमनुरी महामार्गावर त्‍यांच्‍या दुचाकीला चार चाकिने जोरदार धडक दिली. या धडकेत बांगर हे दुचाकीवरून रस्‍त्‍यावर फेकले गेले. यात त्‍यांच्‍या डोक्‍याला गंभीर दुखापत झाल्‍याने त्‍यांचा जागीच मृत्‍यू झाला.

परिवाराचा आक्रोश

पोलिस (Police) कर्मचारी सुरेश बांगर हे आपली ड्युटी आटोपून जाताना सर्वांची भेट घेवून निघाले. मात्र काही वेळानंतर त्‍यांच्‍या अपघाताची बातमी पोलिस स्‍टेशनला आली. तसेच बांगर यांच्‍या मृत्‍यूबाबत परिवाराला माहिती झाल्‍यानंतर परिवारातील सदस्‍य रूग्‍णालयात पोहचले. बांगर यांचा मृतदेह पाहून परिवाराने आक्रोश केला.