Ganesh Utsav 2022 : गणेशाेत्सव मंडळांनी नियमांचे पालन करावे. आगमन आणि विसर्जन मिरवणुकीत गालबाेट लागू नये असे वर्तन मंडळांनी करु नये. गणेशाेत्सव (Ganesh Festival) साजरा करण्यासाठी मंडप घालताना रस्त्यावर खड्डे खाेदू नयेत अन्यथा गुन्हा दाखल करु असा इशारा हिंगाेली प्रशासनानं मंडळांना दिला आहे.

आगामी काळात येऊ घातलेल्या गणेश उत्सवावर हिंगोली जिल्हा प्रशासनाने अनेक निर्बंध घातले आहेत. गणरायाची स्थापना व विसर्जन करताना डिजे लावण्यास पोलीस प्रशासनाने सक्त मनाई केली आहे. मिरवणुकीत गुलालाची उधळण देखील करू नये असे आवाहन करण्यात आले आहे.

आज हिंगोलीच्या जिल्हाधिकारी कार्यालयात गणेश मंडळाच्या पदाधिकाऱ्यांसह शांतता समितीच्या सदस्यांची बैठक आयोजित करण्यात आली होती. या बैठकीत प्रशासनाने गणेशाेत्सव साजरा करताना नियमांचे पालन केले जाईल याची दक्षता असं आवाहन केले. दरम्यान शहरात गणेशाची स्थापना करताना उभारण्यात येणाऱ्या स्टेजसाठी शासकीय रस्त्यावर खड्डे (potholes) खोदल्यास थेट गुन्हा दाखल करण्यात येणार असल्याचा इशारा देखील प्रशासनाने दिला आहे.

Edited By : Siddharth Latkar