Beti Hai Anmol Yojana:

हिमाचल प्रदेशमधील सरकारने मुलींसाठी एक नवी योजना आणली आहे. स्त्री भ्रूणहत्या पूर्णता रोखण्यासाठी कुटुंबात पहिली मुलगी झाल्यावर २ लाख रुपये आणि दुसऱ्या मुलीलाही जन्म दिल्यास १लाख रुपये मिळणार आहेत. हिमाचल प्रदेशचे मुख्यमंत्री सुखविंदर सिंग सुखू यांनी या योजनेची घोषणा केली आहे. (Latest Marathi News)

राज्यात सध्या मुलींच्या जन्मावर ३५ हजार रुपयांची तरतूद आहे. आरोग्य विभागातर्फे आयोजित कार्यशाळेत उपस्थितांना संबोधित करताना मुख्यमंत्री सुखविंदर सिंग यांनी नव्या योजनेची माहिती दिली. मुख्यमंत्र्यांनी स्वत: याबाबत आपल्या ट्वीटर (एक्स) अकाउंटवर पोस्ट शेअर केली आहे. तसेच कार्यक्रमातील फोटोही पोस्ट करण्यात आलेत.

ज्या रुग्णालयात गर्भलिंग तपासणी आणि निदान केले जाते त्यांच्यावर कडक कारवाई केली जाणार आहे. संपूर्ण देशभरात स्त्री भ्रूणहत्येचे प्रमाण थांबता थांबत नाहीये. नागरिकांमध्ये याबाबत जागृकता निर्माण होणे गरजेचे आहे. तसेच ज्या व्यक्ती स्त्री भ्रूणहत्या करतात त्यांच्यावर कडक कारवाई करण्यात येणार आहे.

राज्यात तसेच देश पातळीवर स्त्री भ्रूणहत्या रोखण्यासाठी विविध उपाययोजना तसेच प्रबोधन केले जाते. विविहीत जोडप्यांचे समुपदेशन केले जाते. मात्र खेड्यापाड्यांत मुलाच्या हव्यासापोटी अनेक मुलींचा या जगात येण्याआधीच मृत्यू होतो. विविध उपाययोजनांच्या आधारे या घटनांना आळा घालणे महत्वाचे आहे.