नाशिक -  नाशिकमध्ये Nashik पुन्हा १५ ऑगस्टपासून हेल्मेटसक्ती Helmet लागू होणार आहे. मात्र यंदा नाशिकमध्ये या हेल्मेटसक्तीची अंमलबजावणी जरा वेगळ्या पद्धतीने केली जाणार आहे. कारण आता दुचाकीचालकाने हेल्मेट परिधान केलेलं नसल्यास त्याला शहरातील कुठल्याही पेट्रोलपंपावर पेट्रोल Petrol मिळणार नाही. हेल्मेट अभावी रस्ते अपघातात अनेक दुचाकी चालकांचा मृत्यू होण्याच्या घटना घडत आहेत त्या पार्श्ववभूमीवर ही नाशकात १५ ऑगस्ट August पासून पुन्हा हेल्मेटसक्ती लागू करण्यात आली आहे.

हे देखील पहा -

हेल्मेटसक्ती लागू करूनही दुचाकी चालवताना अनेक नागरिक हेल्मेटचा वापर करतांना दिसत नाही. त्यामुळे नागरिकांचा हेल्मेट वापरण्याकडे कल वाढावा, यासाठी शहरात नो हेल्मेट नो पेट्रोल चा नियम लागू करण्याचा निर्णय पोलीस आयुक्तांनी घेतला आहे.

त्यामुळे 15 ऑगस्टपासून दुचाकीचालकांनी हेल्मेट घातलेलं नसल्यास त्यांना पेट्रोलपंपावर पेट्रोल मिळणार नाही. यासंदर्भात पेट्रोलपंप चालकांनी अद्याप आपली अधिकृत भूमिका जाहीर केलेली नसली, तरी या मुद्यावर मत मतांतरं पाहायला मिळत आहेत. नागरिकांमध्येही याबाबत संमिश्र प्रतिक्रिया पाहायला मिळत आहेत. त्यामुळे येत्या काळात नाशकात हेल्मेटसक्तीचा मुद्दा पुन्हा एकदा पेटण्याची चिन्हं आहेत.

Edited By - Shivani Tichkule