पुणे : राज्यात पुढील ४ दिवस मध्य महाराष्ट्राच्या तुरळक ठिकाणी मुसळधार पावसाचा अंदाज हवामान खात्याने वर्तविला आहे. सध्या बिहारच्या उत्तर पश्‍चिमी भागात आणि परिसरावर हवेचे कमी दाबाचे क्षेत्र सक्रिय असून बंगालच्या उपसागरापासून तमिळनाडूच्या किनाऱ्यापर्यंत हवेचा कमी दाबाचा पट्टा निर्माण झाला आहे.

हे देखील पहा-

यामुळे राज्यात पावसाकरिता पोषक हवामान तयार झाले आहे. राज्यात शुक्रवारी सकाळपर्यंतच्या २४ तासात कोकणात काही भागात, मध्य महाराष्ट्र आणि मराठवाड्यात तुरळक ठिकाणी पावसाची नोंद करण्यात आली आहे. त्यामुळे नागरिकांनी काळजी घ्यावी असे आवाहन करण्यात आले आहे.

दरम्यान पावसाकरिता पोषक हवामान होत असल्याने कोकण आणि मराठवाड्यात पुढील २ ते ३ दिवस तुरळक ठिकाणी विजांच्या कडकडाटासह जोरदार, तर बहुतांश भागात हलक्या ते मध्यम सरींची शक्यता वर्तवण्यात आली आहे. तर विदर्भात काही ठिकाणी पावसाचा इशारा देण्यात आला आहे.

Edited By- Digambar Jadhav