बीड : आरोग्य विभागाच्या पेपर फुटी प्रकरणात संशयित आरोपी असलेल्या बीडच्या दोन्ही शिक्षकांना बीड जिल्हा परिषदेचे मुख्य कार्यकारी अधिकारी अजित पवार यांनी दणका दिला आहे. पवार यांनी संबंधित शिक्षकांना सेवेतून निलंबित केले आहे. (health department paper leak case two teachers suspended from beed)

उद्धव प्रल्हाद नागरगोजे (सहशिक्षक, जि.प.प्रा.शा. कुक्कडगाव, ता . बीड) आणि विजय नागरगोजे (सहशिक्षक काकडहिरा, ता. बीड) (beed) असे निलंबित करण्यात आलेल्या शिक्षकांची नावे आहेत. या दोघांचाही आरोग्य विभाग पेपरफुटी प्रकरणात सहभाग असल्याने पुणे सायबर (cyber) विभागाने गुन्हा दाखल करुन अटक केली हाेती. (beed teachers suspended)

त्यामुळे शिक्षण विभागाची प्रतिमा मलीन झाल्याचा ठपका ठेवत बीड जिल्हा परिषदेचे मुख्य कार्यकारी अधिकारी अजित पवार यांनी दोन्ही शिक्षकांना (teacher) सेवेतून निलंबित केले आहे. दरम्यान या कारवाईने घोटाळेबाज शिक्षकांमध्ये खळबळ माजली आहे.

edited : siddharth latkar