गुजरातला मुसळधार पावसाने जोरदार तडाखा दिला आहे. जोरदार पावसामुळे नर्मदा नदीच्या पाणी पातळीत वाढ झाली आहे. यामुळे गुजरातमधील जनजीवन विस्कळीत झालं आहे. गुजरातमधील या पुरात नंदुरबार जिल्ह्यातील 90 भाविक अडकल्याची माहिती समोर आली आहे. पुरात अडकलेल्या या भाविकांना NDRF च्या टीमने रेस्क्यू ऑपरेशन करत जीव वाचवले आहेत. (Latest Marathi News)
गुजरातच्या अनेक भागांना मुसळधार पावसाने अक्षरश: झोडपून काढला आहे . या पावसामुळे अनेक भागातील नद्यांना पूर आला आहे. गुजरातमधील वानाकबोरी धरण ओसंडून वाहत आहे. तर नर्मदा नदीच्या पाणी पातळीत वाढ झाली आहे.
दरम्यान, गुजरातमधील मालसर गावातील नर्मदा काठावर असलेल्या रामधूनसाठी नंदुरबारमधील ९० भाविक गेले होते. मात्र, पुरामुळे अचानक नर्मदा नदीच्या पाणी पातळीत वाढ झाली. या मुसळधार पावसाच्या
मुसळधार पावसामुळे मंदिरातही पाणी शिरले. मंदिरात पाणी शिरल्याने ९० भाविक पुराच्या पाण्यात अडकले होते. या भाविकांना गुजरात NDRF च्या पथकाने या भाविकांच्या रेस्क्यू ऑपरेशन करत वाचवले.
सर्व भाविक आता नंदुरबारच्या दिशेने निघाले आहेत. गुजरातमधील मुसळधार पावसामुळे भाविकांचा संपर्क नातेवाईकांशी तुटला होता. मात्र, या भाविकांच्या रेस्क्यू करत नंदुरबार जिल्ह्यात रवाना करण्यात आलं आहे.
गुजरातला पावसाचा तडाखा
गुजरातला मुसळधार पावसाने तडाखा दिला आहे. मुसळधार पावसामुळे वडोदरा आणि भरूच येथील सखल भागात पाणी साचलं आहे. हवामान खात्याने १९ सप्टेंबरसाठी देखील ऑरेंज अलर्ट जारी केला आहे. गुजरातसहित मध्य प्रदेशातही जोरदार पाऊस सुरू आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.