- जितेश काेळी

Ramdas Kadam News : कोकणातील (kokan) दापोली (dapoli) विधानसभा मतदार संघात पुन्हा एकदा ठाकरे (uddhav thackeray faction) गटाला खिंडार पाडण्यात शिंदे गटाच्या (cm eknath shinde faction) शिवसेनेला यश आले आहे. खेड (khed) तालुक्यातील खोपी गावातील जांभिलवाडी, अवकिरेवाडी व मिर्ले गावातील मानेवाडी येथील ग्रामस्थांनी शिंदे गटाच्या शिवसेनेत जाहीर पक्षप्रवेश केला आहे. (Maharashtra News)

शिवसेना नेते व माजी मंत्री रामदास कदम यांच्या उपस्थितीत कुंभाडं गावात हा पक्षप्रवेश सोहळा पार पडला. शिवसेनेचे तालुकाप्रमुख सचिन धाडवे व संघटक महेंद्र भोसले यांच्या प्रयत्नातून हा पक्षप्रवेश झाला. सर्व प्रवेशकर्त्यांचे शिवसेना नेते रामदास कदम यांनी शिवसेना पक्षात स्वागत करून आपल्या गावाच्या विकासासाठी निधी कमी पडू देणार नाही, अशी ग्वाही दिली.

यावेळी शिवसेनेचे जिल्हाप्रमुख शशिकांत चव्हाण, माजी जिल्हा परिषद बांधकाम सभापती चंद्रकांत उर्फ अण्णा कदम हे देखील उपस्थित होते. दापोली विधानसभा मतदार संघात शिंदे गटा कडून ठाकरे गटाला शह देण्यासाठी जोरदार प्रयत्न केले जात असल्याचे पाहायला मिळत आहे.

Edited By : Siddharth Latkar