Grampanchayat Election Result : सातारा शहरानजीकच्या खेड ग्रामपंचायत निवडणुकीच्या मतमोजणीला सुरुवात झाली आहे. यामध्ये मुख्यमंत्री एकनाथ शिंदे यांच्या गटाच्या आमदार महेश शिंदे (mahesh shinde) यांनी राष्ट्रवादी काॅंग्रेस (ncp) पक्षाचे नेते आमदार शशिकांत शिंदे यांच्या गटास तीन जागांवर विजय मिळवून धक्का दिला आहे.

सातारा जिल्ह्यातील खेड, खिंडवाडी, गोजेगाव, चिंचनेर संमत निंब, उफळी, संभाजीनगर या ग्रामपंचायतीसाठी रविवारी मतमोजणी झाली. आज येथील तहसिल कार्यालयाच्या परिसरात सकाळी दहापासून मतमाेजणीस प्रारंभ झाला आहे.

पहिल्या टप्प्यात खेड ग्रामपंचायतीच्या मतमोजणीला सुरुवात झाली. यामध्ये शिंदे गटाचे आमदार महेश शिंदे यांचे समर्थक आघाडीवर आहेत. आत्तापर्यंत हाती आलेल्या निकालांमध्ये वनवासवाडी वॉर्डमध्ये आमदार महेश शिंदे गटाचे तिन्ही उमेदवार विजयी झाले आहेत. त्यापाठाेपाठ कृष्णानगर वॉर्डमध्ये आमदार महेश शिंदे गटाचे तिन्ही उमेदवार विजयी झाले. तसेच खेड गावठाण वॉर्डमध्ये आमदार महेश शिंदे गटाचे दाेन उमेदवार विजयी झाले आहेत.

आत्ता पर्यंत हाती आलेल्या निकाल हा राष्ट्रवादीच्या आमदार शशिकांत शिंदे गटाला मोठा धक्का मानला जात आहे. अद्याप खेड ग्रामपंचायतीच्या तीन वार्डातील निकाल येणे बाकी आहेत.

Edited By : Siddharth Latkar