मुंबई : गेल्या दीड वर्षापासून संपूर्ण जग कोरोना महामारीशी झुंजत आहे. या कोरोना Corona काळात अनेकांचे रोजगार गेले तर अनेक व्यवसायिक डबघाईला आले आहेत. अनेकांचे आर्थिक उत्पन्न घटले आहे. एकंदरीतच सर्वच स्तरातील नागरिकांना मोठ्या आर्थिक संकटांना सामोरे जावे लागत आहे. कोरोना महामारीच्या काळात पालकांचे आर्थिक कंबरडे मोडले असताना खाजगी शाळा मात्र विद्यार्थ्यांच्या फीमध्ये Fees कोणत्याही प्रकारची सवलत Reduction द्यायला तयार नव्हत्या. जवळपास दीड वर्ष शाळा बंद असून ऑनलाईन Online पद्धतीने शिक्षण Education चालू आहे. असे असतानाही खाजगी शाळा पूर्ण फी वसूल करत आहेत. याविरोधात राज्यभरातून पालक संघटनांनी, विविध सामाजिक व शैक्षणिक संघटनांनी आंदोलने करण्यात आली आहेत.

मात्र, आता राज्य सरकारने खाजगी शाळांमधील फीबाबत मोठा निर्णय घेतला असून मुलांच्या शाळेच्या फी बाबत चिंता सतावत असलेल्या, पालकांसाठी दिलासादायक बातमी समोर येत आहे. राज्य सरकारच्या शालेय शिक्षण विभागाने खाजगी शाळांतील १५ टक्के फी कपातीच्या आदेशाला मंत्रिमंडळ बैठकीत (Cabinet meeting) मंजूरी देण्यात आली आहे. राज्य सरकारकडून याबाबत लवकरच अध्यादेश काढण्यात येणार आहे.

१५ टक्के फी कपातीबाबतचा अध्यादेश राज्यमंत्रिमंडळाची बैठक पार पडल्यानंतर काढण्यात येणार आहे. जवळपास दोन वर्षांपासून आथिर्क चणचणीत असलेल्या पालकांना राज्य सरकारच्या फी कपातीबाबतच्या निर्णयामुळे मोठा दिलासा मिळणार आहे. फी कपातीसंदर्भात सर्वोच्च न्यायालयानेही (Supreme Court) आदेश दिले होते. महाविकास MVA आघाडी सरकारने उशिरा का होईना पण फी कपातीसंदर्भात घेतलेल्या निर्णयाचे पालकांमधून व विद्यार्थ्यांमधून स्वागत करण्यात येत आहे. कोरोना काळात पालकांना यामुळे मोठा दिलासा मिळाला आहे.

By : Krushnarav Sathe