शुभम देशमुख
गोंदिया : गोंदिया जिल्ह्यात ८० लहान मोठे प्रकल्प आहेत. जिल्ह्यातील ४३ जलाशय तुडूंब भरले असून (Gondia) सात जलाशयांमध्ये ९० टक्के पेक्षा अधिक साठा आहे. यामुळे रब्बी हंगामात धानपिकांना पाणी मिळण्याचा मार्ग सुकर झाला आहे. (Latest Marathi News)

गेल्या वर्षापासून गोंदिया जिल्ह्यातील काही जलाशये पूर्णपणे भरत आहेत. यंदाही ४३ जलाशये तुडूंब भरून ओसंडून वाहू लागले आहेत. सात जलाशयांमध्ये ९० टक्केच्यावर साठा झाला आहे. त्यामुळे आगामी रब्बी हंगामात सिंचनासाठी पिकांना पाणी मिळण्याचा मार्ग सुकर झाला आहे. एकीकडे सलग (Rain) पावसामुळे कमी कालावधीच्या धानाला फटका बसला आहे. तर दुसरीकडे प्रकल्पांना फायदाही झाला आहे. 

गतवर्षीच्या तुलनेत कमी साठा 

तलावांचा जिल्हा म्हणून ओळख असलेल्या गोंदिया जिल्ह्यात लहान-मोठे जवळपास ८० प्रकल्प आहेत. गतवर्षीच्या तुलनेत ८.१२ टक्के कमी साठा गतवर्षी गोंदिया याच तारखेत मध्यम प्रकल्पांमध्ये ९७.९३ टक्के, लघू प्रकल्पांमध्ये ९९.७८ टक्के, मामा तलावांत ९९.३२ टक्के असा एकूण ९८.८४ टक्के साठा होता. म्हणजेच गतवर्षीच्या तुलनेत आजच्या तारखेत ८.१२ टक्के पाणीसाठा कमी आहे.