शुभम देशमुख 

गोंदिया : गोंदियाच्या कीन्ही गावातील शेत- शिवारात मोहफुलाची हातभट्टी टाकून अवैधपणे दारु तयार करण्याचे काम सुरु होते. याबाबत (police) पोलिसांना माहिती मिळाल्यानंतर पोलिसांची अड्ड्यावर धाड (Gondia) टाकत कारवाई केली. या कारवाईत ७३ हजार ८०० रुपयांचा मुद्देमाल जप्त केला आहे. (Maharashtra News)

सरत्या वर्षाला निरोप देण्यासाठी आणि नव्या वर्षाचे उत्साहात स्वागत करण्यासाठी सर्वत्र जय्यत तयारी सुरू आहे. याच पार्श्वभूमीवर अवैध पद्धतीने अमली पदार्थ आणि बनावट दारू विक्रीच्या प्रकारांवर पोलीस यंत्रणा कटाक्षाने नजर ठेऊन असतात. अश्यातच मोहफुलाची दारू काढणाऱ्या अड्ड्यावर पोलिसांनी कारवाई करत मोठ्या प्रमाणात मोहफुलाची दारू व सडवा मोहफुलचा साठा जप्त केला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दोघे पोलिसांच्या ताब्यात 

पोलिसांनी या कारवाईत ७३ हजार ८०० रुपयांची मोहफुलाची दारू जप्त करत या प्रकरणी २ आरोपींना पोलिसांनी ताब्यात घेतले आहे. कालच मोठ्या प्रमाणात देशी-विदेशी दारू जप्त केल्यानंतर पुन्हा हा मोहफुलाचा मोठा साठा जप्त पोलिसांच्या हाती लागल्याने अवैध दारू व्यवसायिकांचे धाबे दणाणले आहेत.