शुभम देशमुख  
गोंदिया : भाताच्या पिकाची लागवड केलेल्या शेतात काम करताना शेतकरी (Farmer) दाम्पत्याचा मृत्यू झाला आहे. हि घटना गोंदिया (Gondia) जिल्ह्यातील घाटबोरी येथे घडली आहे. या दाम्पत्यासोबत असलेली एक महिला देखील जखमी झाली आहे. (Live Marathi News)

गोंदिया जिल्ह्यातील घाटबोरी येथील शेत शिवारात शेतकरी दांपत्य हे आपल्या शेतात भात पिकाच्या शेतीत कचरा काढण्याचे काम करत असताना हा अपघात झाला आहे. कचरा काढत असताना शेतात तुटून पडलेल्या विद्युत तारेचा शॉक (Electric Shock) लागून दोघांचा मृत्यु झाला आहे. यात पती तुळशीदास लंजे (वय ४५) व पत्नी मायाबाई लंजे (वय ४२) अशी मृतकांची नावे असुन इंदुबाई हिरालाल लंजे (वय ४३) असे जखमी महिलेचे नाव आहे. 

कुटुंबाला भरपाई देण्याची मागणी 

विजेच्या प्रवाहीत तार पडल्याने विद्युत करंट लागून शेतकरी दांपत्याचा मृत्यू झाल्याची घटना घडली. एक महिला गंभीर जखमी झाली असून जखमी महिलेवर सडक अर्जुनी येथील ग्रामीण रुग्णालयात उपचार सुरू आहे. मृताच्या कुटुंबीयांना विद्युत विभागाच्यावतीने नुकसान भरपाई देण्यात यावी; अशी मागणी नागरिकांनी केली आहे.