गोंदिया : जिल्‍ह्याच्या सडक अर्जुनी तालुक्याअंतर्गत येणाऱ्या खोबा गावाजवळ रात्री झालेल्या अपघातात चार तरुणांचा दुर्देवी मृत्यू झाला. हे चारही तरुण (Gondia) गोंदिया जिल्‍ह्याच्या आमगाव तालुक्यातील आहेत. (Gondia News Car Accident)

आंमगाव तालुक्यातील पाच तरुण नवेगावबांध येथे सोलर पंप फिटींग करण्यासाठी चारचाकी वाहनाने गेले होते. सोलर फिटींगचे कामे आठोपुन हे पाचही तरुण रात्री परत येत होते. दरम्‍यान अचानक गाडी अनियंत्रित झाल्याने गाडी रस्त्याच्या (Accident) खाली आपटुन चकनाचूर झाली.

चार तरुणांचा जागीच मृत्‍यू

यात पाच तरुणांपैकी चार तरुणांचा घटनास्‍थळीच मृत्यू झाला. या मृतकामध्ये रामकृष्ण बिसेन (वय २४), सचिन कटरे (वय २४), संदीप सोनवाने (वय १८) व निलेश तुरकर (वय २७) यांचा समावेश आहे. तर प्रदीप बिसेन (वय २४) हा तरुण गंभीर जखमी असून त्याच्यावर गोंदियातील एका खाजगी रुग्णालयात उपचार सुरु आहे.