शुभम देशमुख 
गोंदिया : रात्री उशिरापर्यंत मित्रांसोबत गप्पा मारल्यानंतर रूममध्ये झोपायला गेला. यानंतर तरुण भावी डॉक्टरने (Doctor) गळफास घेत आत्महत्या केली. हा धक्कादायक प्रकार (Gondia) गोंदिया येथील शासकीय वैद्यकीय महाविद्यालयात घडला. चांदुररेल्वे (जि. अमरावती) येथील भूषण वाढोळकर (वय २४) असे मृतक डॉक्टराचे नाव आहे. (Breaking Marathi News)

भूषण वाढोलकरने आपले वैद्यकीय शिक्षण पूर्ण झाल्यानंतर गोंदिया येथील शासकीय वैद्यकीय महाविद्यालयामध्ये इंटरशिपला सुरवात केली होती. भूषण याने २०१८ मध्येच गोंदिया येथील शासकीय वैद्यकीय महाविद्यालयामध्ये (Medical Collage) वैद्यकीय शिक्षणात प्रवेश घेतला होता. याच वर्षी म्हणजे २०२३ वैद्यकीय शिक्षण पूर्ण झाले होते. यानंतर गोंदिया येथील शासकीय वैद्यकीय महाविद्यालयात एक वर्षाकरिता इंटरशिप करत होता. 

महाविद्यालयाच्या वस्तीगृहातच वास्तव्यास असलेल्या भूषण हा रात्री उशिरापर्णत मित्रांशी गप्पा मारल्या. यानंतर रूममध्ये गेला असता त्याने गळफास घेतला. सकाळी उशिरापर्यंत बाहेर न आल्याने रूममध्ये राहणाऱ्या अन्य डॉक्टरांनी दरवाजा तोडून आत प्रवेश केला असता भूषण गळफास घेतलेल्या स्थितीत दिसून आला. घटनेची माहिती गोंदिया शहर पोलिसांना देण्यात आली. पोलिसांनी मृतदेह खाली उतरवून शवविच्छेदनाकरिता पाठविले असून गोंदिया शहर पोलिश घटनेचा तपास करत आहेत.