वाशिम : वाशिम (washim) जिल्ह्यातील कारंजा तालुक्यातील अडाण धरणाच्या पायथ्याशी असलेल्या धोकादायक डोहात पाय घसरून पडल्याने एका 17 वर्षीय मुलीचा (girl) बुडून (drowned) मृत्यू झाल्याची दुर्दैवी घटना आज (शुक्रवार) सकाळी घडली. ईश्वरी गजानन भागवत मृत्यूमुखी पडलेल्या मुलीचे नाव आहे. (washim latest marathi news)

ईश्वरी भागवत ही अमरावती येथील तिवसा येथील राहणारी होती. ती कारंजा येथील एक मैत्रीण व तीन मित्रांसमवेत आज (शुक्रवार) सकाळी अडाण धरण पाहण्यासाठी आले होते. ईश्वरीचा धोकादायक डोहात पाय घसरून पडली.

तिला वाचविण्याचे प्रयत्न केले गेले. मात्र त्यास यश आले नाही. या घटनेनंतर ईश्वरीचा मृतदेह पाण्याबाहेर काढून कारंजा उपजिल्हा रुग्णालयात पाठविण्यात आला. या घटनेचा तपास कारंजा ग्रामीण पोलीस करत आहेत.

Edited By : Siddharth Latkar