Solapur News : डान्सर गौतमी पाटीलच्या कार्यक्रमात कालच्या अहमदनगरमधील कार्यक्रमात दगडफेक झाली होती. त्यानंतर आज पुन्हा एकदा गौतमीच्या कार्यक्रमात राडा झाल्याची घटना समोर आली आहे.

सोलापूरच्या गौतमी पाटीलाचा कार्यक्रमात पोलिसांनी लाठीमार केला आहे. हुल्लडबाजांना नियंत्रित करण्यासाठी पोलिसांनी ही कारवाई केली आहे. सोलापूरच्या मंद्रूपमध्ये गौतमी पाटील्या कार्यक्रमांचं आयोजन करण्यात आलं होतं. वाढदिवसानिमित्त गौतमीची कार्यक्रम आयोजित केला होता. (Entertainment News)

अहमदनगरमधील कार्यक्रमात काय झालं?

नवनागापूरच्या सरपंचाच्या नातीच्या वाढदिवसानिमित्त गौतमी पाटीलच्या कार्यक्रमाचे आयोजन करण्यात आलं होतं. गौतमीचा कार्यक्रम म्हणून मोठ्या संख्येने तरुणांनी येथे उपस्थिती लावली होती.

गौतमीचा कार्यक्रम सुरू असताना हुल्लडबाजांनी कार्यक्रमात गोंधळ घालायला सुरुवात केली. मात्र चोख सुरक्षाव्यवस्था नसल्याने गोंधळ वाढत गेला आणि तेथे दगडफेक झाली. हुल्लडबाजांच्या या दगडफेकीत एक महिला किरकोळ जखमी झाली आहे. एमआयडीसी पोलीस आणि खाजगी बाउन्सर समोर हुल्लडबाजांनी धिंगाणा घातला.

गौतमीचा इशारा

अहमदनगरमधील कार्यक्रमातील गोंधळानंतर गौतमीला कार्यक्रम अर्ध्यावरच बंद करावा लागला होता. यापुढे आयोजकांनी व्यवस्थित बंदोबस्त ठेवला नाही तर कार्यक्रम घेणार नसल्याचा इशाराच गौतमीने दिला होता.