Guhagar Road Accident:

राज्यात सर्वत्र धुमधडाक्यात गणेश विसर्जन सुरू असताना गुहागरमधून धक्कादायक घटना घडली आहे. रत्नागिरीच्या गुहागरमध्ये ब्रेक फेल टेम्पो गणेश विसर्जन मिरवणुकीत घुसल्याची घटना घडली आहे. गुरुवारी सायंकाळी पावणे पाचच्या सुमारास ही घटना घडली आहे. या धक्कादायक घटनेत दोघांचा मृत्यू झाला आहे तर १५ जण जखमी झाले आहेत. (Latest Marath News)

मिळालेल्या माहितीनुसार, गुहागर तालुक्यातील पाचेरी आगर गावात रस्ते अपघातातची दुर्देवी घटना घडली आहे. या गावात सायंकाळी पावणे पाचच्या सुमारास ब्रेक फेल टेम्पो गणेश विसर्जनाच्या मिरवणुकीत घुसला.

ब्रेक फेल टेम्पोमुळे गणेशभक्त जखमी झाले. तर मिरवणुकीतील या गणेशभक्तांपैकी दोघांचा मृत्यू झाला. दीपक भुवड (४८) आणि कोमल भुवड (१७) अशी दोन्ही मृतांची नावे आहेत.

या घटनेतील जखमींना तातडीने रुग्णालयात दाखल केले होते. या जखमींमधील तिघांना उपचारांनंतर घरी सोडले आहे. तर दोन जखमींना उपचारासाठी रत्नागिरीमधील सिव्हील रुग्णालयात हलविण्यात आले आहे. या अपघातात सध्या ९ जण जखमी आहेत. तर ४ जण गंभीर जखमी आहेत. तर दोघांचा मृत्यू झाला आहे.

नेमकं काय घडलं?

गुहागर तालुक्यातील पाचेरी आगर येथे गणेश विसर्जनाची मिरवणूक काढण्यात आली होती. सर्व गणेशभक्त मोठ्या उत्साहाने मिरवणुकीत सहभागी झाले होते. गणेश विसर्जनाची मिरवणूक मोठ्या उत्साहाने हळू-हळू पुढे चालली होती. याचदरम्यान, एका पिकअप टेम्पोचे ब्रेक फेल झाले. यानंतर ब्रेक फेल टेम्पो मिरवणुकीत शिरला. या दुर्घटनेत दोघांचा मृत्यू झाला. तर काही जखमी झाले. त्यांच्यावर रुग्णालयात उपचार सुरू आहे.