सातारा : श्रमिक मुक्ती दलाच्या संस्थापक सदस्या आंतरराष्ट्रीय ख्यातीच्या समाजशास्त्रज्ञ डाॅ. गेल ऑम्व्हेट Gail Omvedt उर्फ शलाका पाटणकर (वय ८१) यांचे आज (बुधवार) वृद्धापकाळाने दुःख निधन झाले. त्यांच्यावर उद्या (गुरुवार) सकाळी दहा वाजता सांगली जिल्ह्यातील कासेगाव येथे क्रांतिवीर बाबूजी पाटणकर संस्थेच्या आवारात अंत्यसंस्कार करण्यात येणार आहेत. श्रमिक मुक्ती दलचे संस्थापक अध्यक्ष डाॅ. भारत पाटणकर bharat patankar यांच्या त्या पत्नी हाेत. त्यांची कन्या प्राची, जावई तेजस्वी, नात निया हे सध्या अमेरिकेत स्थायिक असून ते तेथे वेगवेगळ्या चळवळीत सहभागी असतात.

वृद्धापकाळामुळे डॉ. गेल यांना चालण्यात खूप अडचणी जाणवत हाेत्या. कासेगाव येथे त्यांच्या निवासस्थानी पती डॉ. भारत पाटणकर यांच्या देखरेखेखाली त्यांच्यावर वैद्यकीय उपचार घेत होत्या.

डाॅ. गेल या श्रमिक मुक्ती दलाच्या संस्थापक सदस्या हाेत्या. आदिवासी चळवळीत त्यांचे खूप माेठे याेगदान आहे. डॉ. गेल यांनी देश आणि परदेशात अनेक संशोधन पेपर सादर केले असून शेकडो व्याख्याने दिली आहेत. त्यांना अनेक पुरस्कार ही मिळाले आहेत. त्यांच्या निधनाने सामाजिक चळवळीमधील कार्यकर्ते यांनी हळहळ व्यक्त केली.