मंगेश बांदेकर

गडचिरोली : आरोग्याच्या कारणावरून मुख्यमंत्री एकनाथ शिंदे यांना पदावरून दूर करण्याचा दिल्लीतील हाय कमांडचा प्रयत्न आहे. प्रकृती (Eknath Shinde) अस्वास्थ्याचे कारण देत त्यांचा राजीनामा घेत अजित पवार यांना मुख्यमंत्री करण्याची खेळी असावी असा कयास असू शकतो. मुख्यमंत्री एकनाथ शिंदे यांच्या आरोग्याच्या मुद्द्यावरून विरोधी पक्षनेते विजय वडेट्टीवार (Vijay Wadettiwar) यांनी प्रतिक्रिया दिली आहे. (Breaking Marathi News)

नुकत्याच झालेल्या अधिवेशनात देखील मुख्यमंत्र्यांचा सहभाग अत्यंत कमी होता हे निदर्शनास आणून देत सीएमओ कार्यालय आणि प्रवक्ता यांच्यात त्यांच्या आरोग्याच्या स्थितीवरून परस्परविरोधी विधान केली जात असल्याचे विजय वडेट्टीवार म्हणाले.

आरोग्याच्या कारणावरून मुख्यमंत्री एकनाथ शिंदे यांना पदावरून दूर करण्याचा दिल्लीतील हाय कमांडचा प्रयत्न असल्याची प्रतिक्रिया राज्याचे विरोधी पक्ष नेते विजय वडेट्टीवार यांनी दिली आहे. प्रकृती अस्वास्थ्याचे कारण देत त्यांचा राजीनामा घेत अजित पवार यांना मुख्यमंत्री करण्याची खेळी असावी असा कयास वडेट्टीवार यांनी लगावला.