सांगली : सांगलीत भाजपाकडून राष्ट्रवादीचे जेष्ठ नेते मंत्री नवाब मलिक (Nawab Malik) यांच्या प्रतिमेस चप्पलहार' घालीत राजीनाम्याची मागणी करण्यात आली आहे. तर 1993 च्या बॉम्बस्फोटात मृत्युमुखी पडलेल्या नागरिकांनाही यावेळी श्रद्धांजली वाहण्यात आली आहे.

सांगलीच्या मारुती चौकात भाजपा आमदार सुधीर गाडगीळ यांच्या उपस्थितीत प्रथम बॉम्बस्फोटातील मृत्युमुखी पडलेल्या नागरिकांना श्रद्धांजली वाहण्यात आली. त्यानंतर ED कडून अटक करण्यात आलेल्या मंत्री नवाब मलिक यांच्या राजीनाम्याची मागणी करत मलिक यांच्या प्रतिमेस चप्पल हार अर्पण करीत मलिक यांचा निषेध करण्यात आला भाजपानेते पै पृथ्वीराज पवार यांनी या आंदोलनाचे आयोजन केले होते.

देशद्रोही दाऊद याच्याबरोबर केलेले जमीन व्यवहार आणि त्याला पाठवलेले पैसे या आरोपांवरुन मनी लाँड्रींग प्रकरणी मलिकांना ईडीने अटक केल्यापासून भाजपकडून त्यांना दहशतवाद्यांचा मसिहा असं संबोधलं जात आहे. आणि त्यांच्या विरोधात ठिकठिकाणी आंदोलन केली जात आहेत.

Edited By - Jagdish Patil