जालना - सध्या लग्नाचा हंगाम सुरू झाला आहे. त्यामुळे लग्नातील अनेक वेगळे किस्से व्हायरल होत आहेत. त्यातच आता लग्नातील आणखी एक व्हिडिओ व्हायरल झाला आहे. या व्हिडीओमधील हाणामारी पाहून तुम्ही आश्चर्यचिकत व्हाल. लग्नाच्या वरातीत डान्स करताना एका तरुणच दुसऱ्या तरुणाला धक्का लागला आणि मग त्यांच्यामध्ये जोरदार हाणामारी झाली. भांडण सोडवण्यासाठी अनेक लोक मदत करतात. पण ही हाणामारी काही केल्या थांब नाही.

लग्नाच्या वरातीत डान्स करण्यावरून फ्री स्टाईल हाणामारी झाल्याची घटना जालना (Jalna) तालुक्यातल्या बेथलम या गावात घडली आहे. या फ्री स्टाईल हणामारीचा व्हिडिओ सोशल मीडियावर तुफान व्हायरल होत आहे. जालन्यात घडली आहे.

बेथलम गावामध्ये चर्चच्या समोर लग्नाची वरात आली असताना सागर निर्मल हा तरुण नाचत असताना त्याचा धक्का एका तरुणाला लागताच त्या तरुणांनी त्याला धक्का बुक्की करत मारहाण करण्यास सुरवात केली. त्यानंतर त्या दोघांमध्ये तुंबळ हाणामारी झाली.

त्यानंतर त्या ठिकाणी आलेल्या आणखी चार ते पाच तरुणांनी त्याला बेदम मारहाण करायला सुरुवात केली.ही संपूर्ण घटना मोबाईलमध्ये कैद झाली असून त्या तरुणाच्या फिर्यादीवरून तालुका पोलिसात गुन्हा दाखल करण्यात आला आहे. या मारहाणीचा व्हिडिओ सोशल मीडियावर व्हायरल तुफान व्हायरल होत आहे.