Beed Crime News :

एका 11 वर्षांच्या मुलीचा 13 वर्षाच्या मुलासमावेत लग्न लावण्याचा धक्कादायक प्रकार बीड जिल्ह्यात उघडकीस आला आहे. ही घटना आष्टी तालुक्यात येथे घडली. विशेष म्हणजे मुलीच्या आईनेच विवाह लावल्याची माहिती समाेर येत आहे. या प्रकरणी आष्टी पाेलीस विभागाने चाैघांवर गुन्हा दाखल केला आहे. (Maharashtra News)

बीड जिल्ह्यातील बालविवाहाचे वास्तव चिंता व्यक्त करायला लावणारे आहे. बालविवाह रोखण्यासाठी सरकारने कडक कायदे केले आहेत. मात्र, कायद्याला झुगारून बालविवाह लावून देत असल्याच्या घटना समोर येत आहे.

एका 11 वर्षांच्या मुलीचा अन् 13 वर्षांच्या मुलीचा बालविवाह सोलापूर (solapur) जिल्ह्यातील देवळाली येथे लावून देण्यात आला. या विवाहाच्या घटनेची माहिती आष्टी तालुक्यात उघडकीस आली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

याप्रकरणी शासकीय कर्मचा-याच्या तक्रारीनंतर चाैघांवर आष्टी पोलिस ठाण्यात गुन्हा दाखल करण्यात आला आहे. पाेलीसांनी दिलेल्या माहितीनूसार बालविवाह प्रतिबंधक कलमानुसार गुन्हा नोंद करण्यात आला आहे.

Edited By : Siddharth Latkar