पंढरपूर : उजनी धरण पाणलोट क्षेत्रामध्ये मागील दोन- तीन दिवसांपासून मुसळधार पाऊस सुरू आहे. या पावसामुळे उजनी धरण शंभर टक्के भरले आहे. कोणत्याही क्षणी उजनी धरणातून भीमा नदी पात्रात पाणी सोडले जाण्याची शक्यता आहे. त्यामुळे भीमा नदी काठच्या गावांतील नागरिकांना सतर्क राहण्याच्या सूचना पाटबंधारे विभागाने प्रशासनाला दिले आहेत.

हे देखील पहा-

सोलापूर जिल्ह्याची वरदायिनी असलेले उजनी धरण काल शंभर टक्के भरले आहे. त्यानंतरही उजनी धरण पाणलोट क्षेत्रामध्ये आणि सोलापूर जिल्ह्यामध्ये मोठ्या प्रमाणामध्ये पाऊस सुरू आहे. यामुळे भीमा नदीला पूर येण्याची शक्यता आहे. भीमा नदीकाठच्या लोकांनी सावध राहावे असा इशारा ही प्रशासनामार्फत देण्यात आले आहे.

उजनी धरण परिसरात अति मुसळधार पाऊस झाल्याने धरणातून भीमा नदीत ६० हजार क्युसेक्स विसर्गाने पाणी सोडण्यास सुरुवात करण्यात आली आहे. त्यामुळे नदीकाठच्या गावांना सावधानतेचा इशारा देण्यात आला आहे.पाऊस कमी न झाल्यास या विसर्गात अजून वाढ करावी लागणार आहे.

Edited By- Digambar Jadhav