मुंबई : माजी गृहमंत्री अनिल देशमुख ज्या प्रकरणामुळे चौकश्यांच्या फेऱ्यात अडकले होते आणि ज्याच्या परिणाम स्वरूप त्यांना आपल्या गृहमंत्री पदाचा राजीनामा द्यावा लागला होता. त्याच '100 कोटी वसुली' प्रकरणाने आता नवीन वळण घेतले आहे.

हे देखील पहा :

देशमुखांच्या विरोधात सुरू असलेल्या 100 कोटी वसुली प्रकरणाच्या सीबीआय तपासात पहिल्या आरोपीला आज अटक करण्यात आली आहे. सीबीआयने संतोष जगताप नावाच्या मध्यस्थाला ठाण्यातून अटक केली आहे. त्यामुळे या प्रकरणात आता नवीन खुलासे होण्याची शक्यता निर्माण झाली आहे.

याआधी सीबीआय रिपोर्ट्स लीक केल्याच्या प्रकरणात सीबीआयने देशमुखांचे वकील आनंद डागा आणि एका सीबीआय अधिकाऱ्याला अटक झालेली होती. आता सीबीआयकडून आरोपी संतोष जगताप याला अटक करून 4 दिवसांची सीबीआय कोठडी सुनावण्यात आलीय.

Edited By : Krushnarav Sathe