सचिन आगरवाल

अहमदनगर: अहमदनगर जिल्हा रुग्णालयाच्या आय़सीयूमध्ये भीषण आग लागून अकरा जण होरपळले असल्याची प्राथमिक माहिती मिळत मिळत आहे. यामध्ये 10 जणांचा मृत्यू झाल्याची प्राथमिक माहिती समोर येत आहे. आज सकाळी ही आग लागली आहे. यामध्ये मृतांचा आकडा वाढण्याची भीती व्यक्त केली जात आहे.

ICU विभागाला अचानक आग लागल्याने खळबळ उडाली आहे. तातडीने अग्निशमन दल घटनास्थळी दाखल झाल्याने आग आटोक्यात आली आहे. मात्र अचानक आग लागल्याने रुग्णालयातील रुग्ण दुसऱ्या ठिकाणी हलावताना सिव्हिल कर्मचारी यांची धावपळ झाली आहे. माहितीनुसार, २० रुग्ण या ICU विभागात असल्याचे बोलले जात आहे.

तर आगीतून काही रुग्णांना सुखरुप बाहेर काढण्यात आले आहे. अग्निशमन दलाचे जवान आगीची माहिती मिळताच घटनास्थळी दाखल झाले आहेत. तसंच रुग्णालयात नर्स, वॉर्ड बॉय आणि डॉक्टरांनी रुग्णांना सुरक्षित काढण्याचे कार्य सुरु आहे. अतिदक्षता विभाग आला शॉर्टसर्किटमुळे आग लागली आहे. त्यामुळे रुग्ण भाजले गेले अशी प्राथमिक माहिती आहे

तर, घटनेबद्दल पालकमंत्री हसन मुश्रीफ यांनी याबद्दल दखल घेत ते तातडीने अहमदनगरच्या दिशेने निघणार तेथे भेट देणार आहेत. जिल्हा शासकीय रुग्णालयाला लागलेल्या आगीत काही जणांचा मृत्यू झाल्याची हसन मुश्रीफ याची माहिती दिली आहे. हसन मुश्रीफ यांनी सांगितलं की, आगीचे कारण स्पष्ट झाल्यावर आग कोणामुळे लागली यांच्यावर योग्य ती कारवाई केली जाईल आणि माहिती त्यांनी दिली मृत्यू पावलेल्यांना तात्काळ मदतीचे आश्वासन दिले आहे.

मृतांची नावे;

रामकिसन विठ्ठर खरपुडे (70), सिताराम दगडू जाधव (83), सत्यभामा शिवाजी घोडचौरे (65), कडुबाई गंगाधर खाटीक (65), शिवाजी सदाशिव पवार (82), दिपक विश्वनाथ जेडगुले, धोंडाबाई मधुकर कदम (70), आसराबाई नांगरे( 58), छबानी अहमद सय्यद (64) अशी 9 जणांची नावे आहेत, तर एकाची ओळख पटलेली नाही.