नागपूर : फर्निचरच्या वर्कशॉपमध्ये आग लागून एका वृद्ध व्यक्तीचा होरपळून मृत्यू झाला आहे. नागपूर (Nagpur) जिल्ह्यातील काटोलमध्ये ही धक्कादायक घटना घडली आहे. नूर महम्मद बोधर असे मृत्युमुखी पडलेल्या वृद्धाचे नाव असून ते ८८ वर्षांचे होते. काटोलमधील संचेती लेआऊटमध्ये आज पहाटे ३ वाजेच्या सुमारास सलीम फर्निचरमध्ये मोठ्या प्रमाणात आग लागली.

हे देखील पाहा-

इलेक्ट्रिक शॉक सर्किटमुळे आग (Fire) लागल्याची प्राथमिक माहिती आहे. या भीषण आगीत ८८ वर्षीय नूर महम्मद बोधर यांचा होरपळून मृत्यू झाला आहे. आगीची माहिती मिळताच अग्निशमन दलाच्या ३ गाड्यांनी आगीवर नियंत्रण मिळवण्यासाठी प्रयत्न सुरु केले आहे. मात्र, वर्कशॉपमध्ये मोठ्या प्रमाणावर तयार फर्निचर (furniture) तसेच लाकूड असल्याने २ तास आगीवर नियंत्रण मिळवणे कठीण झाले होते.

२ तासांच्या अथक प्रयत्नांनंतर आग नियंत्रणात आणली आहे. या आगीत वर्कशॉपची मालकी असलेल्या बोधर कुटुंबातील वृद्ध नूर मोहम्मद यांचा होरपळून मृत्यू झाल्याने हळहळ व्यक्त होत आहे.

Edited By- Digambar Jadhav