Virar News : विरार येथे एका इलेक्ट्रिक वाहनांच्या शोरूमला आग लागली. ही आग लागल्याचे समजताच अग्निशमन दलाच्या दोन गाड्या घटनास्थळी दाखल झाल्या. अग्निशमन दलाच्या पथकाने आगीवर नियंत्रण मिळविण्यासाठी शर्तीचे प्रयत्न सुरु केले. (Maharashtra News)

विरार (virar) येथील पश्चिम भागातील डोंगरपाडा रोड वरील एका इलेक्ट्रॉनिक गाड्यांच्या शोरूमला आज (बुधवार) सकाळी दहा वाजता भीषण स्वरुपाची आग लागली. या घटनेची माहिती कळताच परिसरातील नागरिकांनी घटनास्थळी धाव घेतली. काहींनी आग विझविण्यासाठी प्रयत्न सुरु केले. दरम्यान घटनास्थळी अग्निशमन दलाच्या (fire brigade) दोन गाड्या दाखल झाल्या. या आगीवर अग्निशमन दलाच्या जवानांनी नियंत्रण मिळवले.

या घटनेत कोणतीही जीवितहानी झालेली नाही. परंतु या शोरूम मधल्या अनेक इलेक्ट्रिक बाइक्स जळून खाक झाल्या आहेत. ही आग (fire) शॉर्टसर्किटमुळे लागली असावी असा प्राथमिक अंदाज वर्तविला जात आहे.

Edited By : Siddharth Latkar