Parbhani News : गंगाखेड तालुक्यातील पिंप्री (झोला) येथील श्री देवी अनुसया माता संस्थानचे काम पाहणाऱ्या संस्थानचे अध्यक्ष सुरेंद्रगिरी महाराज यांच्यावर गंभीर आराेप करीत त्यांच्यावर गुन्हा दाखल करण्याची मागणी ग्रामस्थांनी केली आहे. त्यासाठी गेल्या पाच दिवसांपासून ग्रामस्थ मठासमोर बेमुदत उपोषणास बसले आहेत. (Maharashtra News)

श्री देवी अनुसया माता मठाचे काम पाहणारे ट्रस्ट बरखास्त करून परंपरेनुसार गादीवर बसलेल्या नरेंद्रगिरी महाराजांचे शिष्य चिरंजीव गिरी महाराज यांना पूजेचा मान द्यावा आदी मागण्यांसाठी गोवंश रक्षक अजय भिसे हे श्री देवी अनुसया माता संस्थान मठासमोर बेमुदत उपोषणास बसले आहेत.

तहसीलदार प्रदीप शेलार यांनी पिंप्री गावात जाऊन उपोषणार्थी (fasting) अजय भिसे यांच्यासह ग्रामस्थांची चर्चा केली तसेच उपोषण सोडण्याची विनंती केली. तेव्हा मठाधीपती सुरेंद्रगिरी यांच्या चुकीच्या कारभाराचा ग्रामस्थांनी पाढा वाचला. तसेच त्यांच्या अरेरावीच्या भाषेचा निषेध नाेंदविला.

दरम्यान त्यानंतर पिंप्री गावातील ग्रामस्थ व महिलांनी बेमुदत उपोषणाला पाठींबा दर्शवित उपोषणस्थळी मोठ्या संख्येने हजेरी लावली. संस्थानच्या अध्यक्षांनी केलेल्या गैरकृत्याची चाैकशी करुन गुन्हा दाखल करण्याची मागणी केली. आजही अजय भिसे व वैभव कुरुडे यांनी उपोषण सुरूच ठेवले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar