Jalna Crime News : पाटोदा मावा गावात दोन गटात तुंबळ मारहाण झाल्याची घटना सामोर आली आहे. तर या मारहाणीत दोन्ही गटातील ९ जण गंभीर जखमी झाल्याने त्यांच्यावर जालन्यातील दोन वेगवेगळ्या रुग्णालयात उपचार सुरू आहे. या मारहाणीत सपंचासह एकाची प्रकृती गंभीर असल्याची माहिती समोर आली आहे. या प्रकरणी आष्टी पोलीस (Police) ठाण्यात दोन्ही गटाच्या तक्रारीवरून गुन्हा दाखल करण्यात आला आहे.

आष्टी पोलीस ठाण्याच्या हद्दीत असलेल्या पाटोदा मावा गावात सरपंच हरिभाऊ खवल यांनी अवैध सुरू असलेल्या व्यवसायाविरुद्ध कारवाई केल्याची मागणी केल्याने शिंदे गटाकडून सरपंचासह इतर जणांना लाठ्याकाठ्या आणि हतोड्याने मारहाण करण्यात आल्याची तक्रार आष्टी पोलीस ठाण्यात दाखल केली आहे.

या तक्रारी वरून पोलिसांनी शिंदे गटातील पाच ते सहा जणांवर गुन्हा दाखल केला आहे. तर शिंदे गटांनी मूकबधिर आरटीआय कार्यकर्ता असलेल्या संभाजी शिंदे यांनी शासनाकडून दिव्यांगासाठी असलेला पाच टक्के निधीबाबद माहितीचा अधिकार टाकला म्हणून याचा राग मनात धरून सरंपच कांचन खबल यांचे पती हरी खबल यांच्या सह तिघांनी मुकबधीर संतोष शिंदे याला मारहाण केली.

दरम्यान, या दोन्ही गटात झालेल्या तुंबळ हाणामारीत सरपंच पती हरी खवल यांची प्रकृती चिंताजनक असल्याची माहिती समोर आली आहे. तर शुभम खवल, रमेश खवल यांची प्रकृती गंभीर असल्याने त्यांच्यावर संजीवनी हॉस्पिटलमध्ये उपचार सुरू असल्याची माहिती पोलिसांनी दिली असून या प्रकरणी पोलीस अधिक तपास करत आहे.