कर्जमाफी व्हावी या मागणीसाठी उपाेषणास बसलेल्या आंदाेलकांची शासन, प्रशासनाने दखल न घेतल्याने हिंगाेली जिल्ह्यातील एका शेतक-याने स्वतःची दुचाकीला आग लावत पेटवून दिली. ही घटना ताकतोडा गावात घडल्यानंतर प्रशासनात एकच खळबळ उडाली.

हिंगोलीच्या सेनगाव तालुक्यातील ताकतोडा गावात शेतात पेरणी करण्यासाठी घेतलेले पीककर्ज माफ करावे या मागणीसाठी गेल्या 3 दिवसांपासून शेतकऱ्यांचं बेमुदत उपोषण सुरू आहे. या उपोषणाची सरकार दरबारी अद्याप नोंद घेतली गेलेली नाही.

यामुळे निराश झालेल्या शेतकरी शांताराम सावके यांनी त्यांच्या दुचाकीला आग लावलत पेटवून दिली. दरम्यान आंदोलनाच्या ठिकाणी अचानक दुचाकी पेटवण्याचा प्रकार घडल्याने मोठ्या प्रमाणात बघ्यांची गर्दी जमली.

Edited By : Siddharth Latkar