- अमर घटारे

Amravati News :

दिल्ली येथील सुरू असलेल्या शेतकऱ्यांच्या मोर्चाला पाठिंबा देण्यासाठी संयुक्त किसान मोर्चाच्या वतीने आज (शुक्रवार) दर्यापूर बंद ठेवावे असे आवाहन करण्यात आले. यासाठी शेतक-यांनी दर्यापूर कृषी उत्पन्न बाजार समिती (daryapur krushi utpanna bazar samiti) समोर रास्ता रोको आंदोलन (rasta roko andolan) केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

शेतकरी नेते अभय गावंडे यांच्या नेतृत्वाखाली शेकडाे शेतकरी दर्यापूर येथे एकटवले. या शेतकऱ्यांनी विविध मागण्यांसाठी दर्यापूर येथे आंदोलन छेडले. यावेळी शेतक-यांनी सरकारच्या धाेरणाविराेधात तीव्र नाराजी व्यक्त केली.

यावेळी शेतक-यांनी सोयाबीन, कापूस, संत्रा,चना व कांद्याला योग्य हमीभाव देण्याची मागणी केली. शेकडाे शेतक-यांनी दर्यापूर कृषी उत्पन्न बाजार समिती येथे रास्ता रोको आंदोलन केले. यामुळे काही वेळ परिसरातील वाहतूक ठप्प झाली. शेतक-यांच्या आंदाेलनास दर्यापूर शहरातील व्यापाऱ्यांनी दुकाने बंद करून मोर्चाला पाठींबा दिला. (Maharashtra News)

Edited By : Siddharth Latkar