Chhatrapati Sambhajnagar News : समन्यायी पाणीवाटप धोरणानुसार पैठणच्या जायकवाडी धरणात पाणी सोडावे अशी मागणी करत आज (शुक्रवार) पैठण येथे शेकडो शेतकऱ्यांनी छत्रपती संभाजीनगर पैठण रस्त्यावर रस्ता रोको आंदाेलन केले. या आंदाेलनामुळे वाहतुकीचा खाेळंबा झाला. (Maharashtra News)

जायकवाडी धरणात (Jayakwadi Dam Water Issue) नाशिक आणि नगर जिल्ह्यातील धरणांमधून पाणी सोडण्याचा निर्णय झाला आहे. यादोन्ही जिल्ह्यातील धरणांमधून ८.६० टीएमसी इतके पाणी जायकवाडीली साेडले जाणार आहे. या निर्णयाच्या विराेधात नाशिक आणि नगर जिल्ह्यातील शेतक-यांसह लोकप्रतिनिधींनी आवाज उठविला आहे. त्यामुळे अद्याप जायकवाडीसाठी पाणी साेडलेले गेले नाही.

त्यामुळे मराठवाडा भागातील शेतकरी आज संतप्त झाल्याचे पाहायला मिळाले. यंदा मराठवाड्यात अत्यल्प पाऊस झाल्याने शेतक-यांना शेतीसाठी पाणी नाही. त्यामुळे मराठवाड्यातल्या जायकवाडीत हक्काचं 8.603 टीएमसी पाणी मिळणे गरजेचे असल्याचे शेतक-यांनी नमूद केले.

दरम्यान हक्काचे पाणी हे समन्यायी पाणीवाटप धोरणानुसार पैठणच्या जायकवाडी धरणात पाणी सोडावे अशी मागणी करत आज पैठण येथे शेकडो शेतकऱ्यांनी संभाजीनगर पैठण रस्त्यावर रस्ता रोको केला.

Edited By : Siddharth Latkar