- रणजीत माजगावकर

Kolhapur News : गायीच्या दूधाच्या दराची अद्याप दरवाढ केली नसल्याने काेल्हापूर जिल्ह्यातील शेतकरी आक्रमक झाले आहेत. आज (साेमवार) शेतक-यांनी गोकुळ दूध संघच्या चिलिंग प्लॅन्ट येथे आंदाेलन केले. दरम्यान या आंदाेलनाप्रसंगी पाेलीसांचा गाेकुळ परिसरात बंदाेबस्त हाेता. (Maharashtra News)

आजचे आंदोलन अंकुश संघटनेच्या वतीने उदगाव येथे दूध दरासाठी (milk price) करण्यात आले. यावेळी आंदाेलकांनी गाईच्या दुधाला दरवाढ मिळावी या मागणीसाठी घाेषणाबाजी केली. उदगाव येथील गोकुळ चिलिंग प्लॅन्टवरील दुधाच्या गाड्या आंदाेलकांनी अडवल्या. यावेळी पाेलीसांनी आंदाेलकांना समजवण्याचा प्रयत्न केला परंतु कार्यकर्त्यांनी जोरदार घोषणाबाजी करत आंदाेलन (aandolan) सुरुच ठेवले.

दरम्यान गायीच्या दूध दरात कपात केल्याच्या कारणावरून शनिवारी मनसेचे कार्यकर्ते देखील आक्रमक झाल्याचे पाहयला मिळाले. मनसे कार्यकर्त्यांनी गोकुळच्या बिद्री-बोरवडे शितकरण कार्यालयाची तोडफोड केली हाेती.

या घटनेत एक कर्मचारी तसेच अधिकारी किरकोळ जखमी झाले हाेते. या घटनेनंतर मूरगूड पोलीसांनी आंदोलकांना ताब्यात घेतले. या आंदोलकांवर पाेलीसांनी गुन्हा दाखल केला.

Edited By : Siddharth Latkar