राहुल गांधींच्या आरोपानंतर महाराष्ट्रातही मतदार याद्यांची पडताळणी सुर कऱण्यात आलीय.. त्यातच आता छत्रपती संभाजीनगरच्या पैठणमध्ये मतदार यादीतील घोळ उघड झालाय.. त्याचा साम टीव्हीने पंचनामा केलाय..

आगामी स्थानिक स्वराज्य संस्थांच्या मतदारांची यादी प्रसिद्ध कऱण्यात आलीय.. याच यादीमुळे निवडणूक आयोगाचं पितळ उघडं पडलंय.

स्थानिक स्वराज्य संस्थांच्या यादीत 25 हजार 820 नावांची दुहेरी नोंद

पैठण तालुक्यात 3 लाख 2 हजार 231 मतदारांपैकी 23 हजार 122 मतदारांची 2 ठिकाणी नोंद

पैठण नगरपरिषद हद्दीतील 35 हजार 722 पैकी 2 हजार 698 मतदारांची नावं 2 याद्यांमध्ये

तर मतदार यादीतील हा घोळ समोर आल्यानंतर आम्ही थेट दुहेरी नोंद असलेल्या मतदाराला गाठलं आणि यामागचं सत्य जाणून घेतलंय. या प्रकरणी साम टीव्हीने तहसिलदारांचीही भेट घेतली. त्यावेळी तहसिलदारांनी जनसुनावणी घेऊन मार्ग काढण्याचं जाहीर केलंय.

छत्रपती संभाजीनगरच्या फक्त पैठण या एकाच तालुक्यात तब्बल 23 हजार बोगस मतदार आढळून आल्याने आयोगाची इभ्रत वेशीला टांगली गेलीय.. त्यामुळे आता आयोग ही दुहेरी नावं कधी वगळणार? आणि बोगस नावं न वगळणाऱ्या दोषी अधिकाऱ्यांवर काय कारवाई करणार? याकडे राज्याचं लक्ष लागलंय.