तुमच्याकडे बाईक असेल तर आता तुम्हाला आणखी भुर्दंड लागणाराय...कारण, बाईकलाही आता टोल भरावा लागणार असल्याचा दावा करणारा मेसेज व्हायरल करण्यात आलाय...याआधी कधीही बाईकला टोल नव्हता...मग आता सरकारने असा निर्णय घेतलाय का...? बाईकला टोल आकारण्याचा निर्णय अचानक का घेण्यात आलाय...बाईकला किती टोल असेल...? असे अनेक प्रश्न उपस्थित होतायत...देशभरात कोट्यवधी लोकांकडे बाईक आहे...ग्रामीण भागातही बरेच लोक बाईकचा वापर करतात...त्यामुळे खऱंच बाईकला आता टोल आकारला जाणार आहे का...? याची सत्यता जाणून घेणं गरजेचं आहे...पण, मेसेजमध्ये काय दावा केलाय पाहुयात...

व्हायरल मेसेज

नॅशनल हायवेवर कार, ट्रक, बसला टोल भरावा लागतो. त्यासाठी FASTag सिस्टम लावण्यात आलीय. याआधी बाईकला टोल नव्हता. मात्र, आता बाईकलाही 15 जुलैपासून टोल भरावा लागणार आहे.

हा मेसेज व्हायरल होत असल्याने बाईक चालकांमध्ये संभ्रम निर्माण झालाय...त्यामुळे याची सत्यता आमच्या प्रेक्षकांना सांगण्यासाठी आमच्या व्हायरल सत्य टीमने याची पडताळणी सुरू केली...नॅशनल हायवेबाबत मेसेज व्हायरल होत असल्याने याबाबत आमच्या टीमने केंद्रीय वाहतूक मंत्र्यांनी असा निर्णय घेतलाय का..? याची माहिती मिळवली...त्यावेळी आमच्या पडताळणीत काय सत्य समोर आलं पाहुयात...

- बाईकला टोल लागणार हा दावा खोटा

- कुठेही बाईकला टोल आकारला जात नाही

- दोन चाकी, तीन चाकी वाहनांसाठी टोल फ्रीच आहे

- इलेक्ट्रिक वाहनांनाही टोलमध्ये सूट देण्यात आली

स्वत: केंद्रीय मंत्री नितीन गडकरींनीच हा दावा दिशाभूल करणारा असल्याचं म्हटलंय...असा कोणताही निर्णय प्रस्तावित नसून, दुचाकी वाहनांना टोलवर पूर्णपणे सूट असेल असं त्यांनी स्पष्टपणे सांगितलंय...अशा मेसेजवरही विश्वास ठेवू नका असं आवाहन गडकरींनी केलंय...त्यामुळे आमच्या पडताळणीत बाईकवर आता टोल लागणार असल्याचा दावा असत्य ठरलाय...