नवी दिल्ली : काँग्रेसचे अध्यक्ष मल्लिकार्जुन खरगे यांनी मतदानात तफावत असल्याचं म्हणत केंद्रीय निवडणूक आयोगावर आरोप केला होता. खरगे यांचे मतदानाबाबतचे आरोप फेटाळत केंद्रीय निवडणूक आयोगाने पत्रातून उत्तर दिलं आहे. या पत्रातून काँग्रेस अध्यक्ष खरगे यांचे आरोप फेटाळून लावले आहेत. 'लोकसभा निवडणुकीच्या प्रक्रियेवर हल्ला करण्याचा प्रयत्न केला आहे, असं म्हणत केंद्रीय निवडणूक आयोगाने काँग्रेस अध्यक्ष खरगेंच्या आरोपांना उत्तर दिलं आहे.

काँग्रेस अध्यक्ष मल्लिकार्जुन खरगे यांनी मतदारांच्या संख्येवर उपस्थित केलेल्या पश्नांना उत्तर दिले आहे. अद्ययावत डेटा हा मतदान झाल्यानंतर जाहीर केला जातो. २०१९ साली याच प्रकारे जाहीर केला होता. तुम्ही असे आरोप करून लोकसभा निवडणुकीच्या प्रक्रियेवर हल्ला करण्याचा प्रयत्न केला आहे, असे आयोगाने म्हटलं आहे.

लोकसभा निवडणुकीच्या मध्यावर या प्रकारचे आरोप करून जनतेमध्ये संभ्रम निर्माण होतो. तसेच निष्पक्ष निवडणुकांच्या प्रक्रियेत अडचणी निर्माण होतात, असेही आयोगाने म्हटलं आहे.

निवडणूक आयोगाने काँग्रेस अध्यक्ष खरगे यांचे आरोप फेटाळून लावले आहेत. विश्लेषण केल्यानंतर मतदानाची टक्केवारी अधिक येते. २०१९ साली देखील याच प्रकारे टक्केवारी जाहीर केली होती. काँग्रेस अध्यक्ष आरोप करून लोकांमध्ये संभ्रम निर्माण करत आहे. एकांगी बाजूने आरोप करण्याचा प्रयत्न करत आहे, असेही आयोगाने म्हणते.