महाविकास आघाडी सरकार अल्पमतात आले आहे, हे त्यांनी मान्य करावे, असं शिवसेनेचे बंडखोर आमदार दीपक केसरकर म्हणाले.

नवी मुंबईत एकनाथ शिंदे यांच्याविरोधात शिवसेनेकडून आंदोलन करण्यात आले.

शिवसेना पक्षप्रमुख उद्धव ठाकरे यांनी भावनिक आवाहन करून सुद्धा शिवसैनिकांनी आपलं बंड सुरूच आहे. एकनाथ शिंदे यांच्यासह शिवसेनेचे 40 हून अधिक आमदार सध्या गुवाहाटी येथे तळ ठोकून आहे. अशा परिस्थितीत महाविकास आघाडी सरकारचं बहुमत कमी झालं आहे. त्यामुळे शिवसेनेकडून हे बंड मोडून काढण्यासाठी प्रयत्न केले जात आहेत. अशातच शिवसेना पक्षप्रमुख उद्धव ठाकरे यांचा पत्नी रश्मी ठाकरे या देखील मैदानात उतरल्या आहेत.

गुवाहाटीमध्ये असलेल्या आमदार दीपक केसरकर यांनी पत्रकार परिषद घेऊन आम्ही अजुनही शिवसेनेत असल्यचा दावा केला आहे.

राज्यातील राजकारणातून सर्वात मोठी बातमी समोर आली आहे. एकनाथ शिंदे यांच्या बंडानंतर शिवसेनेनं एक मोठा निर्णय घेतला आहे. आज शिवसेनेची राष्ट्रीय कार्यकारणी बैठक झाली. या बैठकीत एकनाथ शिंदे (Eknath Shinde) यांचं नेतेपद काढण्याचा निर्णय घेण्यात आला आहे.

शिवसेनेचे बंडखोर नेते एकनाथ शिंदे यांच्यासह गटाची बैठक गुवाहाटीत सुरू झाली आहे. या बैठकीत पुढील रणनीती ठरवण्यात येणार आहे.

शिवसेनेच्या राष्ट्रीय कार्यकारिणीची बैठक शिवसेना भवनात होणार आहेत. अनेक नेते तेथे पोहोचले आहेत. मुख्यमंत्री उद्धव ठाकरे या बैठकीसाठी पोहोचले आहेत. शिवसैनिक मोठ्या संख्येने या ठिकाणी जमले आहेत. यावेळी शिवसैनिकांनी जोरदार घोषणाबाजी केली.

शिवसेनेत जे घडते हा त्यांचा अंतर्गत विषय आहे. मुख्यमंत्री हा विषय सक्षमपणे हताळतील - अशोक चव्हाण

बंडखोर आमदारांबद्दल शिवसैनिकांमध्ये प्रचंड संताप आहे. पुण्यात त्याचे पडसाद उमटले. एकनाथ शिंदे आणि खासदार श्रीकांत शिंदे यांच्यातर्फे उभारण्यात आलेल्या वैद्यकीय मदत कक्षाच्या बोर्डाला काळे फासण्यात आले. तसेच शिंदे पिता-पुत्राच्या फोटोंना काळे फासण्यात आले. पुण्यातील सदाशिव पेठेत असलेले कार्यालय शिवसैनिकांनी फोडले. तसेच पुण्यात तानाजी सावंत यांच्या कार्यालयाची शिवसैनिकांनी तोडफोड केली.

राज्यातील कोणत्याही आमदाराचे संरक्षण काढण्याचे आदेश मुख्यमंत्री वा गृहविभागाने दिलेले नाहीत. या संदर्भात ट्विटरद्वारे केले जाणारे आरोप पूर्णपणे चुकीचे व दिशाभूल करणारे आहेत, असे गृहमंत्री दिलीप वळसे पाटील यांनी स्पष्ट केले.

बंडखोर नेते एकनाथ शिंदे यांनी नवं ट्विट करून खळबळ उडवून दिली आहे. राजकीय आकसापोटी मुख्यमंत्री उद्धव ठाकरे आणि गृहमंत्री दिलीप वळसे पाटील यांच्या आदेशाने शिवसेनेच्या आमदारांचे संरक्षण काढून घेण्यात आले आहे, असे ट्विट शिंदे यांनी केले आहे. शिवसेनेच्या आमदारांची आणि त्यांच्या कुटुंबीयांच्या संरक्षणाची जबाबदारी ही सरकारची आहे, याकडेही शिंदे यांनी या ट्विटमधून लक्ष वेधले.

आज शिंदे गटाकडून महाविकास आघाडी सरकारचा पाठिंबा काढण्याची शक्यता आहे. तसं पत्र राज्यपालांना देणार असल्याची माहिती मिळत आहे. त्यामुळे महाविकास आघाडी सरकार अल्पमतात येणार का असा प्रश्न उपस्थित होत आहे.

शिवसेनेने आज राष्ट्रीय कार्यकारिणीची बैठक बोलावली आहे. मुंबईतील शिवसेना भवनात आज दुपारी एक वाजता ही बैठक होणार आहे. व्हिडिओ कॉन्फरन्सिंगद्वारे मुख्यमंत्री उद्धव ठाकरे या बैठकीला उपस्थित राहणार आहेत. पक्षाच्या पदाधिकाऱ्यांना सद्यस्थितीची माहिती देऊन पुढील सल्ला मागू शकतील. या बैठकीत बंडखोर एकनाथ शिंदे यांची पक्षाच्या नेते पदावरून हकालपट्टी होण्याची शक्यता वर्तवण्यात येत आहे. शिवसेनेच्या राष्ट्रीय कार्यकारिणीची आज बैठक बोलावण्यात आली आहे. आज होणाऱ्या या बैठकीत पक्षप्रमुख उद्धव ठाकरे हा निर्णय निर्णय घेण्याची शक्यता आहे. पक्षाच्या घटनेतही काही बदल केले जाण्याची शक्यता.