Jalgaon News : मनी लाँड्रिंग प्रकरणात अटकेत असलेले महाराष्ट्राचे माजी मंत्री नवाब मलिक यांना सर्वोच्च न्यायालयाने दोन महिन्यांसाठी जामीन मंजूर केला आहे. नवाब मलिकांची सुटका झाल्यानंतर ते अजित पवारांसोबत जाणार की शरद पवारांसोबत राहणार, असा प्रश्न आता अनेकांना पडला आहे. नवाब मलिक हे शरद पवारांसोबतच, मात्र त्यांचा व्यक्तिगत निर्णय असेल, असं राष्ट्रवादीचे नेते एकनाथ खडसे यांनी म्हटलं.

नवाब मलिक हे बाहेर आल्यानंतर भाजपमध्ये प्रवेश करतील अशी चर्चा सुरू आहे. यावर बोलताना एकनाथ खडसे म्हणाले की, भाजप एक मशीन आहे. त्यात व्यक्ती टाकला की तो स्वच्छ आणि क्लीन होऊन बाहेर येतो, त्यानंतर मंत्री होतो, एकनाथ खडसे यांनी म्हटलं. (Latest marathi News)

भाजपाच्या विरोधात बोलेल त्याला ईडी लावली जाते. निवडणूक असली की ED कारवाई सुरू होते. सरकारच्या षडयंत्राचा मी अनुभव घेतलाय. माझ्यावर सुद्धा ED ची कारवाई झाली होती. माझ्या जावयावरही कारवाई केली होती. असंही एकनाथ खडसे यांनी म्हटलं.  (Political News)

भ्रष्ट लोकांवर आरोप करायचे आणि त्यांना आपल्यासोबत घ्यायचं. विरोधक संपवण्याच्या उद्देशाना ईडीचा वापर केला जात आहे, असंही एकनाथ खडसे यांनी म्हटलं.