Nashik News : नाशिकमधून भूकंपाचं वृत्त हाती आलं आहे. नाशिकच्या सुरगाणा परिसरात भूकंप झाल्याची माहिती समोर आले आहे. या भूकंपाचा केंद्रबिंदू सुरगाणा परिसर होता. या भूकंपात सुदैवाने कुठलीही मोठी हानी झाली नाही. (Latest Marathi News)

मिळालेल्या माहितीनुसार, नाशिककर भुकंपाच्या धक्क्यांने चांगलेच हादरले आहे. नाशिकच्या सुरगाणा परिसरात भूकंपाचे धक्के बसले आहेत. या भूकंपाचे केंद्रबिंदू सुरगाणा परिसर होता. तर हा भूकंप आज, गुरुवारी दुपारी १२ वाजता भूकंपाचा हादरा बसला. भूकंपाचा धक्का हा २.६ रिश्टर स्केलच्या तीव्रतेचा होता.

नाशिकमध्ये भूकंप झाल्याने घटनास्थळी एकच खळबळ उडाली. मात्र, सुदैवाने या भूकंपात कोणतीही मोठी हानी झाली नाही. सुरगाण्यात दुपारी भूकंपाचे धक्के जाणवल्याने काही काळ गोंधळाचे वातावरण होते. मात्र, रात्री उशिरा हे हादरे भूकंपाचे असल्याचं स्पष्टीकरण प्रशासनाकडून देण्यात आलं.

गेल्या महिन्यात दिल्लीकरांनी अनुभवले भूकंपाचे धक्के

दरम्यान, एका महिन्यापूर्वी देशाची राजधानी नवी दिल्लीला भूकंपाचे हादरे बसले होते. नवी दिल्लीपासून पश्चिमेला ८ किमी अंतरावर रात्री ९.३० वाजता २.५ रिश्टर स्केलचा भूकंप धक्का जाणवला होता. या भूकंपाचे (Earthquake) केंद्र जमिनीच्या खाली 5 किमी अंतरावर असल्याची माहिती नॅशनल सेंटर फॉर सिस्मॉलॉजीने दिली होती.

दिल्लीमध्ये गेल्या महिन्यात दोनवेळा भूकंपाने हादरा बसला होता. १२ नोव्हेंबर रोजी दिल्ली रात्री साधारण ८ वाजण्याच्या सुमारास हे धक्के जाणवले होते. या भूकंपाची तीव्रता ५.४ रिश्टर स्केल होती.