Latur : लातूर जिल्ह्यातील हासोरी, बडूर आणि अंबुलगा भागात मागील अनेक दिवसांपासून भूकंपाचे (earthquake) धक्के जाणवत आहेत. यामुळे या भागातील ग्रामस्थ भयभीत झाले आहेत. दरम्यान प्रशासनाने ग्रामस्थांना (villagers) दिलासा दिसून आपत्ती व्यवस्थापनाकडून सातत्याने आवश्यक त्या उपाययाेजना आखल्या जात आहेत. (Latur Latest Marathi News)

हासोरी, बडूर आणि अंबुलगा भागात काल मध्यरात्री एक वाजून तेरा मिनिटाला 2.1 रीश्टर स्केलचा धक्का बसला होता. तसेच काल रात्री 9 वाजून 57 मिनिटाला 1.9 रीश्टर स्केलचा धक्का जाणवला आहे. यात हासोरी, बडुर, पिरपटेलवाडी आणि अंबुलगा या मुख्य गावांसह या परिसरातील अनेक गावांना धक्का जाणवला आहे अशी माहिती जिल्हा आपत्ती व्यवस्थापन अधिकारी साकेब उस्मानी यांनी दिली आहे. लातूर जिल्ह्यातील भूकंपमापन केंद्रात या भूकंपाची हालचाल नोंदवण्यात आली आहे. याबाबतची माहिती वरिष्ठ कार्यालयास कळवण्यात आली आहे. (Maharashtra News)

लातूर जिल्ह्यातील निलंगा तालुक्यातील हासोरी हे गाव गणेश आगमनाच्या पूर्वीपासूनच त्रस्त आहे. कारण या गावात सतत जमिनीतून आवाज येत होते. ग्रामस्थांनी वेळोवेळी याची तक्रार प्रशासनाकडे केली होती. ग्रामस्थांच्या मतानुसार हे भूकंपाचे धक्के होते. मात्र प्रशासनाने भूगर्भातील हालचालीमुळे जमिनीतून आवाज येत आहे असं सांगत ग्रामस्थांना समजावण्याचा प्रयत्न केला होता. (Breaking Marathi News)

Edited By : Siddharth Latkar