Dwarkadas Mantri Bank Election News : व्यापाऱ्यांची बँक म्हणून ओळख असणाऱ्या बीडच्या (beed) द्वारकादास मंत्री नागरी सहकारी बँकेची निवडणूक (dwarkadas mantri bank) बिनविरोध पार पडली आहे. या बँकेच्या अध्यक्षाची निवड येत्या तेरा जानेवारीला होणार आहे.

या निवडणूकीत (election) सभासदांनी पुन्हा एकदा सुभाषचंद्र सारडा यांच्यावर विश्वास टाकला आहे. काही वर्षापूर्वी रिझर्व्ह बँकेने 'मंत्री' बँकेचे संचालक मंडळ बरखास्त केल्यानंतर बँकेवर प्रशासक मंडळ नेमण्यात आले होते. त्यानंतर बँकेच्या संदर्भात गुन्हे देखील दाखल करण्यात आले. मात्र या साऱ्या पार्श्वभूमीवर सभासदांनी आपण पुन्हा सुभाषचंद्र सारडा यांच्यासोबत असल्याचेच दाखवून दिले आहे असे आदित्य सारडा (नवनिर्वाचित संचालक) यांच्यासह संचालकांनी नमूद केले. (Maharashtra News)

या बॅंकेच्या (bank) नुतन संचालक मंडळात आदित्य सारडा, आदिती सारडा, गिरीश गिल्डा, शुभम चितलांगे, संतोष लहाने, अरुण मुंडे, राहुल खडके, दिनेश देशपांडे, शेख मोहम्मद सलीम, प्रल्हाद वाघ, रघुनाथ चौधरी, सुधाकर वैष्णव, अंजली पाटील, राम गायकवाड, सतीश धारकर यांचा समावेश आहे. या बँकेच्या अध्यक्षाची निवड येत्या तेरा जानेवारीला होणार आहे.

Edited By : Siddharth Latkar