संदीप नागरे, हिंगोली

Hingoli Latest News : हिंगोलीमध्ये (Hingoli) नात्याला काळीमा फासणारी घटना समोर आली आहे. एका दारुड्या मुलाने आपल्या आईवर बलात्कार (physically assaulted) केल्याची धक्कादायक घटना घडली आहे. वडिलांचे हातपाय बांधून या मुलाने आईवर बलात्कार केला. या घटनेमुळे एकच खळबळ उडाली आहे. याप्रकरणी हिंगोलीच्या करमनुरी पोलिसांनी (Hingoli Police) नराधम मुलाविरोधात बलात्काराचा गुन्हा दाखल करत त्याला अटक केली.

मिळालेल्या माहितीनुसार, हिंगोलीच्या कळमनुरी तालुक्यातील धानोरा गावात ही घटना घडली आहे. आरोपी दारु पिऊन आपल्या आई-वडिलांना नेहमी त्रास द्यायचा. रविवारी मध्यरात्री आरोपीने जे कृत्य केलं ते ऐकून सर्वांना मोठा हादरला बसला आहे. रात्रीच्या वेळी आई-वडील झोपल्यानंतर आरोपी नेहमीप्रमाणे मद्यधुंद अवस्थेत घरी आला. त्याने आई-वडिलांकडे दारुसाठी पैसे मागितले. पैसे देत नसल्यामुळे त्याने भांडण केले.

दारुसाठी पैसे देत नसल्याने आरोपीला खूपच राग आला. रागाच्या भरात त्याने आईसोबत धक्कादायक कृत्य केले. त्याने आपल्या वडिलांचे हात पाय बांधत 54 वर्षीय आईवर बलात्कार केला. जन्मदात्या आईवर संतोष अत्याचार करत असल्याचे पाहून वडिलांनी जोरजोरात ओरडायला सुरुवात केली. मात्र संतोष वडिलांना मारहाण करत असल्याने ते देखील शांत राहिले.

अखेर सकाळ झाल्यानंतर घडलेला संपूर्ण प्रकार या पती-पत्नींनी गावातील ग्रामस्थांना सांगितला. त्यानंतर ग्रामस्थांनी कळमनुरी पोलीस ठाण्यात धाव घेतली. याप्रकरणी आईच्या तक्रारीवरून आरोपी मुलगाविरोधात पोलिसांनी बलात्काराचा गुन्हा दाखल केला. पोलिसांनी या नराधम मुलाला तात्काळ अटक केली. आरोपी सध्या पोलीस कोठडीत आहे. या घटनेमुळे संपूर्ण हिंगोली जिल्हा हादरला आहे. जन्मदात्या आईसोबत सैतानी कृत्य करणाऱ्या आरोपी मुलाला कडक शिक्षा देण्याची मागणी करण्यात येत आहे.