नंदुरबार - केंद्रीय सार्वजनीक आरोग्य व कुटुंब कल्याण राज्यमंत्री डॉ. भारती पवार Bharti Pawar यांची जनआशिर्वीद यात्रा बुधवारी रात्री उशीरा नंदुरबार Nandurbar मध्ये दाखल झाली. यावेळी नंदुरबार शहरामध्ये त्यांचे जोरदार स्वागत करण्यात आले. खास आदिवासी नृत्यांसह शहरातुन त्यांच्या जनआशिर्वाद यात्रेला सुरवात झाली.

हे देखील पहा -

सुरवातीला डॉ. बाबासाहेब आंबेडकर यांच्या पुतळ्याला त्यांनी माल्यार्पण केले. यानंतर सोनार खुंट. जळका बाजार, गणपती मंदीर परिसर, माणिक चौक हाट दरवाजा, सिंधी कॉलनीमार्गे भाजपाच्या विजय पर्व कार्यालयात त्यांची जनआशिर्वाद यात्रा पोहचली. 

यावेळी ठिकठिकाणी विविध समाजांचे पदाधिकारी आणि शिष्टमंडळाने त्यांचे स्वागत देखील केले.  या यात्रेच्या स्वागतासाठी नंदुरबारच्या खासदार डॉ. हिना गावित, आमदार राजेश पाडवी, भाजपा आदिवासी मोर्चाचे प्रदेक्षाध्यक्ष अशोक उईके, आदिसह पदाधिकारी मोठ्या संख्येने उपस्थित होते.

मंत्री डॉ. भारती पवार आज जिल्हा सामान्य रुग्णालयाची पाहणी करणार आहे. तर शहरातील विविध लसीकरण केंद्राचा त्या आढावा देखील घेणार आहेत. यानंतर पत्रकारांशी वार्तालाप करुन त्यांची जनआशिर्वाद यात्रा तळोदा तालुक्याकडे रवाणा होणार आहे.

Edited By - Shivani Tichkule