अभिजीत देशमुख

डोंबिवली : रक्षाबंधनानिमित्ताने पतीसोबत नणंदकडे गेलेल्या पूजा साळुंके या विवाहितेने इमारतीवरून उडी मारून आत्महत्या केल्याची घटना दोन दिवसापूर्वी डोंबिवली (Dombivali) पूर्वेत घडली होती. मात्र या प्रकरणात धक्कादायक माहिती समोर आली असून इंस्टाग्रामवर तरुणासोबत चॅटिंग केली. हि बाब पतीला माहित झाल्याने पतीसोबत वाद झाला. यातूनच पूजा हिने आत्महत्या केली. या प्रकरणी (Police) पोलिसांनी पतीला अटक केली आहे. (Latest Marathi News)

जळगाव जिल्ह्यातील मुक्ताईनगर (Muktainagar) येथे राहणाऱ्या पूजा सोळुंके हि रक्षाबंधनासाठी डोंबिवलीला पतीसोबत नंदेकडे आली होती. दोन दिवसांपूर्वी  इमारतीवरून उडी मारून पूजा साळुंके हिने आत्महत्या केली. पूजा हिने आत्महत्या केल्याचे कारण समजले नव्हते. मात्र मानपाडा पोलिसांनी एडिआर दाखल करत तपास सुरू केला असता पतीसोबत झालेल्या वादातून आत्महत्या केल्याची माहिती समोर आली होती. परंतु अधिक तपस केला असता धक्कादायक बाब समोर आली आहे.

पतीसह तरुणावर गुन्हा दखल 

पोलिसांनी दिलेल्या माहितीनुसार पूजा आणि गोपाल शिंदे नामक तरुण इंस्टाग्रामवर सातत्याने चॅटिंग करत होते. घटनेच्या दिवशी देखील पूजा हि तरुणासोबत चॅटिंग करत होत. यावेळी पती करण याने हे पाहिले. यामुळे दोघांमध्ये वाद झाला; या वादामुळे पूजाने आत्महत्या केली. दरम्यान पूजाच्या कुटुंबीयांनी दिलेल्या तक्रारीनंतर पूजा सोळुंके आत्महत्या प्रकरणात पोलिसांनी पूजाचे पती करण सोळके आणि गोपाल शिंदे यांच्या विरोधात आत्महत्येला प्रवृत्त करणे याबाबत गुन्हा दाखल केला आहे. सध्या या प्रकरणात मानपाडा पोलिसांनी पती करण याला अटक केली आहे. पुढील तपास सुरू आहे.