अभिजित देशमुख 
डोंबिवली : डोंबिवली पश्चिम कुंभारखान पाडा परिसरात असलेल्या दुकानांच्या बाजूला असलेल्या जागेवर होत असलेल्या बांधकामावरून वाद निर्माण झाला आहे. या वादातून रात्रीच्या वेळेस दहा ते बारा जणांच्या टोळीने दगडफेक आणि तोडफोड केल्याची घटना समोर आली आहे. या प्रकारामुळे परिसरातील दुकानदारांमध्ये भीतीचे वातावरण पसरले आहे. दरम्यान दगडफेक व तोडफोड करतानाची घटना सीसीटीव्ही कॅमेरात कैद झाली आहे. 

डोंबिवलीच्या पश्चिम कुंभारखान पद परिसरात प्रशांत पाटील यांच्या मालकीचे काही दुकाने गेल्या ४० वर्षांपासून या भागात आहे. तर प्रशांत पाटील यांनी त्यांच्या दुकानाला लागून असलेल्या जागेवर एका मोठ्या विकासकाच्या इमारतीचे काम सुरू आहे. दरम्यान प्रशांत पाटील यांच्या दुकानामुळे विकासकामात अडथळा निर्माण होत असल्याच्या कारणाने ४ जानेवारीच्या रात्री काही गुंड प्रवृत्तीच्या लोकांना पाठवून त्यांच्या जागेत तोडफोड आणि दगडफेक केल्याचा आरोप प्रशांत पाटील यांनी केला आहे. 

पोलीस तक्रार घेत नसल्याचा आरोप 

दरम्यान प्रशांत पाटील यांनी याप्रकरणी विष्णू नगर पोलिस ठाण्यात तक्रार करण्याचा प्रयत्न केला. मात्र त्यांची तक्रार स्वीकारली नसल्याचा आरोप देखील पाटील यांनी केला असून त्यांनी वरिष्ठ पोलीस अधिकाऱ्यांकडे दाद मागितली आहे. या घटनेमुळे परिसरातील लोकांमध्ये भीतीचे वातावरण पसरले असून, पोलिसांनी तातडीने कारवाई करण्याची मागणी होत आहे.

दगडफेक करणारे सीसीटीव्ही कॅमेरात कैद 

जागेवरून होत असलेल्या वादात ४ जानेवारीच्या रात्री गुंड प्रवृत्तीच्या लोकांना पाठवून त्यांच्या जागेत तोडफोड आणि दगडफेक केल्याचा आरोप प्रशांत पाटील यांच्या कडून करण्यात आला आहे. या घटनेचा संपूर्ण प्रकार सीसीटीव्हीमध्ये कैद झाला आहे. दरम्यान इमारतीचे बांधकाम सुरु असलेल्या आजूबाजूच्या परिसरातील दुकानदारांमध्ये भीतीचे वातावरण निर्माण झाले आहे.